كتب الشاعر/ عبد الحميد سالم *رسالة شهيد*

( رسالة شهيد )  م /عبالحميد سالم
رغم إنى حتة منها
والهموم شايلها عنها
وبروحى فديت كيانها
زعلان منها وغصب عنى
لان اللى قاتلنى برضه منها
علموه من على المنابر
أن الجنود ظلمة وعبيد
واللى يخالفه الرأى كافر
ويوم التفجير عملينه عيد
إرهاب والدين واخدينه ساتر
 والدين برئ منهم أكيد
فين هيروح من رب قادر
وعد الخاين بعذاب شديد
ويحفظ بلادى من كل غادر
وكفيانى أكون حرف ف نشيد
زعلان يا بلدى كان نفسى إنى
بمليون جسد ويموت شهيد