كتب الشاعر/ عبد الحميد سالم &سواق قطر مهمل&

(سواق قطر مهمل ) م/عبالحميد سالم
عارفينك ياسواق قطر الغلابة
 بتفرم اللى ييجى ف سكتك
طب ليه غدرت زى الديابة
وجالك قلب ع الرصيف تطلعلهم
وتولع فيهم يا قسوتك
دول بيركبوه من غلبهم
وبيتحشروا  كما السردين
وكمان فجأة تقصف عمرهم
طب تقدر تقول إيه ذنبهم ؟
وكمان طلعت ف الاعلام
بكل برود ويا ريتك حزين 
ونزلت دمعة على دمهم 
روح  بقه يا منك لله
هوا اللى هياخد حقهم
ونزل صبرك على زويهم
ولازم قصاص م المهملين
عشان يبقوا عبرة للى زيهم 
ويارب أحقن دماء المصريين
احنا طالبين يارب رحمتك