كتب الشاعر &محمد البريمي& &يسعد قلبك&

يسعد قلبك ..
يسعد قلبك و حياتك .. يا عمرى و كل حياتى ..

وحشانى دموعك و أهاتك .. وحشانى إبتسامتك وحشانى ..

ف غيابك العين تبكى .. والروح تدور و تشكى ..

و أنا ع الناى أقول و أحكى  .. على صمتى و سكاتى ..

سامحينى إن كنت غلطت .. و حياة عذابى ف غربتى ..

 يا حبيبتى ندمت و توبت.. وناوى أصلح غلطتى ..

بس ياريت تكونى فاكرانى .. و نرجع الود من تانى ..

أنا لسه ما غيرتش عنوانى .. ولا غيرت سكتى..

تعالى  خدينى و  ضمينى .. محتاج لحضن يدفينى ...

الزمن منى شاكينى .. ولا ميت صبر يكفينى ..

كل الحبايب بايعانى .. حتى الحظ مخاصمنى ..

و إنتِ الأمل اللى فاضلى .. ياطول عمرى و سنينى..

كنت أتمنى أشوف  الفرحه ..  ماليه عنيكِ ..

كنت أتمنى أشم العطر ..  من إيديكِ ..

كنت بأحلم و أنا صاحى ..كنت بأحاول أدارى جراحى ..

كنت بأهرب من عذابى .. لكن إنتِ الحق عليكِ

..


بقلم الشاعر .. محمد البريمى ..