كتب الشاعر/محمد البريمي....&موال حزين &

موال حزين ..

مكتوب عليا ..
مكتوب عليا العذاب .. و أنا لسه ما أوعاشى ..

طول عمرى جريح .. و شايل حمل على كتافى ..

م الدنيا و اللى فيها .. و زمن قاسى و جافى ..

لا صاحب أصيل .. ولا حبيب  وافى ..

         مكتوب عليا العذاب..

ملكته قلبى و روحى .. و الآخر سابنى و عاب ..

حكيتله عن أسرارى .. فتحتله أبواب  ..

فرشتله ع الأرض رمشى .. طلع الأمل كداب ..

حطيته ف العالى .. حطنى ف التراب ..

        مكتوب عليا العذاب ..

بنيتله أمل ووعود .. إديته من عمرى سنين ..

كنت بأضحك  وياه .. و أنا قلبى كان حزين ..

داريت عنه دمعتى .. و رسمتله قلبين ..

و أنا ماشى ف طريق مسدود .. و عيونى ع الطريق تايهين ..

       مكتوب عليا العذاب ..

بقلم الشاعر .. محمد البريمى ..