كتب الشاعر/أحمد سيد أحمد...... *غربة *

{غربة}
برغم التوهة و الوحدة
و رغم البعد و الحرمان
لا عمرى ف لحظة هتغير
و لا انسى الأهل و الخلان
هيفضل قلبى بيفكر
ف حضن الأرض و الأوطان
       *********
قالوا نسافر و نتغرب
و ننسى الفقر و الأشجان
و لينا القرش هيقرب
و أجمل دنيا لينا تبان
سافرنا و ادينا بنجرب
مرار و عذاب و نار و هوان
لا حد علينا بيطبطب
و لا يمسح لنا الأحزان
       *********
يا ريت نرجع و تتغير
ليالى الغربة و النسيان
و ترجع شمسنا تنور
ياخدنا الأهل بالأحضان
و لا نرجع ف يوم نبعد
و لا نسافر و لا نتهان
 (أحمد سيد أحمد)