كتبت أم الشعراء أ/ سامية سليمان #فاضل إيه #

فاضل إيه
-----------
فاضل إيه يستني عشانه
قلبي العاشق غير أحزانه
كان محتاج وياك لأمانُه
قلبي الطيب قلبك خانه

ياما بكيت وداريت ف دموعي
قسوة قلبك نار ف ضلوعي
وهواك ظالم طفَّي شموعي
ماقدرش اتحمِّل عصيانه

ليه  بتحن لواحد باعك
توِِّه قلبك غاوي خداعك
مدِّيت إيدي وقت ضباعك
قلبك عاد مشتاق لهوانه

كنت بتحلم بيه جوَّايا
كان الأصل وكنت مراية
مش حاتحمِّل جرح كفاية
قلبي اتعود علي حرمانه

فاضل إيه يستني عشانه

سامية سليمان
أم الشعراء