كتبت الأستاذة/ هدي محمد..&و أحترت وياكِ&

واحترت وياكِ يا بلدي
وأحزاني منك  كتيرة 
مش عارفة أحسك أمي
وانا عايشة أيامي غريبة 
طب حسسيني مرة بغلاوتي
 بلاش تدوسي على كرامتي
  يا بلدي ليه مش شايفاني
ليه دايما عنك بعداني
يمكن تكوني نسيتي شكلي 
ولا تاه عنك إسمي 
طب حفكرك ياستي 
بس أوعي  تانى تنسي
انا اللى شِبت  فى شبابي
وانا اللى ضاعت  أحلامي
وانا اللى الهم  عنواني
بصرخ  بعلو صوتي 
وانتِ

مش سمعاني
يابلدي خُدي بيدي
رجعيلي من تاني كرامتي 
ياما نفسي أحسك مرة بلدي
 وفى ضهري سنداني ..

هدى 💜 محمد