كتبت الشاعرة/ صفاء مصطفي الخواجة...&البعاد &

البُعاد ..         #######
أيوه كرهت  ضعفى. لما
دمعي سال وقت الفراق
و إتحايلت عليك تاخدني
وأنتَ زايد ف العِناد!
لما قلبي ف حزنه قالك
محتاجاك والغدر بان
لسه برضه بألوم ف نفسي
كبريائي ليه ده هان؟
وأنتَ حارم قلبي دايما
من هناوته و الأمان
ليه بكيتك؟ليه ندهتك؟
وأنت تبخل بالحنان!
كنت أدي كتير وتاخد
م المحبة ف كل آن
و إنتظرتك تدي قلبي
حب صادق. شاف هوان!
لسه فاكر إني ح أبقي؟
وأفضل أدي!
              كان زمان.
فوق لنفسك. قلبي رافضك
صعب يرجع. زي ما كان
رغم إنك لسه برضه
جوه قلبي. حبيب ما هان 
 وعد مني.ح أنسي سيرتك
بكره ح أخد ع البُعاد.
((بقلمي/صفاء مصطفى الخواجة ))