كتب الشاعر/محمد البريمي..&عملت المستحيل &

عملت المستحيل ..
قدت العشره صوابعى شموع .. عملت معاكِ المستحيل ..

صبرت قلبى الموجوع .. مفيش أكتر من كده دليل ..

أعملك خدى مداس .. و أسهر ما أنام الليل ..

و أفرشلك الأرض بساط .. تمشى و تخطى عليه ..

         عملت المستحيل ..

إتحديت كل الصعاب .. حطمت كل القيود ..

فتحتلك كل الأبواب .. زرعتلك ف قلبى ورود ..

رسمتلك مركب و بحر .. و بنيتلك أمل ووعود ..

و أمانى عايشه  ف خيالى ..و شط أمان ترسى عليه ..     

         عملت المستحيل ..

ما عملتش حساب لعزول .. و مشيت على هواكِ ..

فديتك بعمرى و مالى .. و إنتِ اللى بأتمناكِ ..

و بعت أهلى و ناسى .. و إتمنيت أعيش جواكِ

..

فاضل إيه ما عملتوش .. تعالى و قوليلى عليه ..

          عملت المستحيل ..

بقلم الشاعر .. محمد البريمى ..