كتب الشاعر/إسماعيل عبد الهادي...&دمعه وشمعه&

{ دمعه وشمعه }
مابين اه وبين دمعه
وشمعه حب بتدوب
وقلب تاب وقام صلي
عن الاحزان ويتوب
ودار بينهم كلام ياما
عن كل شيئ مكتوب
والقدر كان حكم نافذ
واجب مفهش عيوب
اه من طول الليالي
اه من غدر السنين
اللي صحي ذكري ماتت
قلب عاش عمره حزين
وكل اه زي الوتد
غارز ف انين مكتوم
حتي اخر شمعه دابت
وزادت وياها الهموم
والنجوم نورها باهت
سايقه قدامها الغيوم
وقلب تاه عن سكته
سهران بيمسح دمعته
احتار بين دمعه وشمعه
وانين واهات بتعذبه
اختار يداوي جراحه
ويسامح اللي ظلمه
وتعود من تاني افراحه
والفرح تاني يضمه
ونمسح بالصفا دمعه
ونقيد كمان لها شمعه
والأه تدوب في لمتنا
والفرح يبان ف ضحكتنا
وننسي الماضي وألامه
والليل وطوله وأيامه
وشمس بكره تسعدنا
والوداد تاني يعود
ونار الهجر نطفيها
مع نغمة سيكا وعود
ونزرع بستان محبه
اسواره مسك وعود
( اسماعيل عبد الهادي )