كتب الشاعر/سعيد عباس الضو &شوفت إزاي بأحلم&

شوفت ازاى با

حلم وأنا صاحى
انا شوفت الطير زقزق صباحى
وشوفت الفرحه لابسه الطرحه
وكان فى ايديها القلم الماحي !
انا شوفت الدنيا ب الالوان
حاجه جميله تقول بستان
فيها زهور وعبير ب يطير
والطير بيغنى على الأغصان
انا شوفت السما مبدوره نجوم
والليل يتفزز لجل يقوم
ونهار ب ينادى لكل حبيب
ان مش راح اسيب حق المظلوم
أنا شوفت الظلم ب يجرى بعيد
والعدل ماسك له ف ايده حديد
أنا شوفت وزير بابه مفتوح
كان حد داخله ب دون مواعيد
أنا شوفت صحيح لكن فى الحلم
كان أملى صراحه يكون ف العلم
وأشوف الناس ب تحب ب جد
مش قصة ومكتوبه فى الفيلم
سعيد عباس الضو