كتب الشاعر/سعيد عباس الضو *يا شمس غايبة*

ياشمس غايبه عن ابراج الحمام
واخده معاها الدفا واخده السلام
وفايته سقيع البرد جوه القلوب
خايف هبوب الريح يطيح بالكلام
يانسمه كانت من سنه جايبه الهنا
تدب في قلوب الولاد جيل بعد جيل
تمحى ظلام الليل فوسط المستحيل
تمر من على أرض الجفا تطرح سنابل
يمكن تقابل طفل كان قلبه عليل
تشفى جراحه ويشعر بالامان
انا لسه شايف بيبان الأمل
على بعد متواربه
محتاجه قلوب مخلصه
وأرواح محاربه
مش دافنه رؤسها ف الرمال
زى النعام
ووقت ما نحتاج رجال تجى هاربه
قوم مد ايدك للأمل وافرد جناحك
اليوم ده يومك يابطل لملم جراحك
قوم ثوور في وجه الظلم قوله لأ
وبلاش تشق الصف مطلوب سماحك
سعيد عباس الضو