كتب الشاعر/ محمد البريمي..*اطلبي *

إطلبى ..
إطلبى ألف .. إطلبى ألفين ..

مافيش حاجه .. تغلى عليكِ ..

إيه أغلى  .. م الروح و العين ..

 تحت أمرك .. و ملك إيديكِ ..

          إطلبى ..

لو تطلبى  .. عين من عنيا ..

مش هتأخر .. و أدهالك..

لو نجمه .. ف  آخرالدنيا ..

 أموت .. و أجبهالك ..

         إطلبى ..

لو تطلبى قصر .. قلبى موجود ..

ما أحوشه عنك .. و ازوقه بالورود 

بس تعالى و شوفى ..  هعملك ايه ..

هشيلك على كفوفى .. و رمشى تخطى عليه ..

         إطلبى ..

إطلبى عمرى .. إطلبى حياتى ..

أنا كلى .. يا روحى ليكِ ..

كل ده .. ما يساويش ..

  نظره و احده .. من عنيكِ

..

         إطلبى ..

بقلم الشاعر .. محمد البريمى ..