كتب ملاح الحكمة أ/مرقص أقلاديوس *بيقولوا غلط *

بيقولوا غلط
بقلم..مرقص إقلاديوس
......
بيقولوا
الصبار مر
و بينسوا يقولوا
إن الخيانة أمر.

بيقولوا
الإخلاص هاجر من أرضنا
لكن الإخلاص
لسه عندنا
مدارى فى قلوب طيبة.
مستخبى و خايف
من نفوس غيتها الغدر.

بيقولوا
الحب تاه بين الدروب.
أبدا
الحب لسه
مستقر
فى كتير من القلوب.
بهذا
قلب كل حبيبة
لحبيبها يقر.

بيقولوا
فين الوفا يابا
ده إحنا عايشين وسط ديابة
بالذمة البشر
مش مكسوفين من نفسهم.
مش شاطرين
غير ياكلوا بعضهم.
و عجب العجب بأه
إن الديابة
ما تاكلش لحم الديابة.

إنما الوفا لسه موجود.
و الإخلاص لسه موجود.
و الحب لسه موجود.

بص على اى زوجين
انجبوا للدنيا مولود.
هما بيضحكوا
و هوا بيعيط.
سبحان الله
بعد كام سنة
تلقاه بأه نمرود.

تفاءلوا تفاءلوا
و استبشروا
الخير لسه موجود
و هيفضل موجود
ليوم القيامة
عارفين ليه
عشان ربنا موجود...
        ملاح بحور الحكمة
        مرقص إقلاديوس