كتب الشاعر/أبو مؤمن جوهر &أنت مين&

(( أنت مين  ؟))
يا اااااه
 كل دا نسيان
و حتى
نسيتي فعلا ابقي مين ؟
في العيون برهان
و قلبي
يا ما داق هجرك سنين
طب و ليه العصيان
قولي لي
 ليه غرامك صار مهين ؟
قلبك  الصوان
عارفني
 ليه ما يرحم أو يلين ؟
ايوه فيك غرقان
و حبك
قلبي شايله ف نني عين
كنت انا هيمان
في حبك
 نفسي لو المس ايدين
بس أنا انسان
حقيقي
 مش ملاك طار بجناحين
قد اكون غلطان
و لكن
قولي فين العفو فين
حبي ليه جدران
بتحمي
بالتسامح و الحنين
رمشك السجان
و عقلي
تاه في لحظك
صار رهين
انقذي الغرقان
بعفوك
من قساوتك
بات حزين