كتب الشاعر/ عبد الحميد سالم #خليها تصح وماتصحش#

(  # خليها # تصح وما

تصحش ) م/عبالحميد سالم
خليها تصدى ... تصح تصدى
مش فشخرة دا لأنى طبعا  مامعييش
ولو معايا مش هشتريها
عشان ورايا أسرة عايزة تعيش
ولأنى ياصاحبى جيبى خالى
 ده انا يادوب موظف على قد حالى
على قد لحافى مادد رجليا
اللى جاى على قد اللى رايح
وف الغالب طبعا م بيكفيش
ف خليها تصدى مهما  تصدى
 مدام مستورة كل دا م يهمنيش 
****
خليها تعفن....  تصح تعفن
ومين هياكلها بمية وتلاتين
وف الاخر تطلع لحم حمير
تاكلها ياصاحبى تجرى تنهق
 وتطلب وراها عصير برسيم
الغلبان  أخره الفرخة البيضا
يا شوية هياكل وكيلو رجلين
لكن اللحمة هيسبها  تعفن
ولو جريت وراه  بالسكاكين
******
خليها تعنس .....مش هتعنس
دى اختى وأختك وأحلى عروسة
وست الكل  ولسة صغنطوطة
دى حجة شباب قاعدين عاطلين
الأهل عشانهم طفحوا الكوتة
علشان يبقوا بنى أدمين
لكن بسلامته عايز شقة ويركب عربية
ومامته تحاسب له على البنزين
ولو عواطلى ووراث عزبة
وجاى تطلبها هقولك أسف
خليها ف حضننا مش عايزين
*******
خليك ف حضنها. .كلام م يصحش
وكده تلقيح  يا ست العاقلين
طب قولى لأهلك بلاش مغالاة 
دا خطيبى غلبان وبيكح تراب
وطبعا مديون وفين هيروح
دىالشقة جايبها بطلوع الروح
كفاية الدبل وفرش الاوضتين
واللى يسهل أكيد ربك هيسهلله
ويستر عرضه ليوم الدين