أنا عندى كلام
البنت الكبيره .. ومش لازم تكون اول العنقود .. دى إللى دايما بيقولوا عليها أم أبوها .. البنت دى قيمه كبيره لا تقدر ولا تعوض فى حياة أى أسره مصريه أيا كان مستواها المادى أو الأدبى أو الإجتماعى .. وبتزيد قيمتها كمان بعد ما تتجوز ويبقى عندها ولاد وفهمت يعنى إيه أسره ومسئوليه وتربيه وخصوصا لما يكون جوزها إبن ناس ويعتمد عليه .. البنت الكبيره دى بتبقى رمانة الميزان للأسره كلها وبتبقى ملجأ للزعلان والغضبان من إخواتها .. وبيبقى عندها طولة بال وصدر حنين ومستمع جيد لمشاكل الأسره كلها .. بتبقى فهمت الحياه على حقيقتها وكمان عرفت الدنيا ماشيه إزاى ورايحه على فين وفيها إيه .. وعلشان كده بتكون دايما همزة الوصل بين إخواتها صبيان وبنات .. وحتى بين أبوها وأمها .. فهى بتمثل جيل الوسط بينهم جميعا .. بس بيفضل دايما خيط جامد قوى بينها وبين أبوها وبتفضل فاكراه دايما .. وإن ابوها كان حبها الأول ومثلها الأعلى .. وإنه مهما طال الزمن عمرها ما حتلاقى حد يحبها ويحافظ عليها ويضحى علشانها زيه .. البنت الكبيره دى قيمه كبيره ونعمه غاليه ..دى عامله زى فاكهه الصيف العزيزه إللى بتيجى وبتخلص بسرعه .. ياريتكم تحافظوا عليها لأنها الوحيده إللى ممكن تحل محل أبوها وأمها بعد مايمشوا بلا عوده
ولسه عندى كلام
البنت الكبيره .. ومش لازم تكون اول العنقود .. دى إللى دايما بيقولوا عليها أم أبوها .. البنت دى قيمه كبيره لا تقدر ولا تعوض فى حياة أى أسره مصريه أيا كان مستواها المادى أو الأدبى أو الإجتماعى .. وبتزيد قيمتها كمان بعد ما تتجوز ويبقى عندها ولاد وفهمت يعنى إيه أسره ومسئوليه وتربيه وخصوصا لما يكون جوزها إبن ناس ويعتمد عليه .. البنت الكبيره دى بتبقى رمانة الميزان للأسره كلها وبتبقى ملجأ للزعلان والغضبان من إخواتها .. وبيبقى عندها طولة بال وصدر حنين ومستمع جيد لمشاكل الأسره كلها .. بتبقى فهمت الحياه على حقيقتها وكمان عرفت الدنيا ماشيه إزاى ورايحه على فين وفيها إيه .. وعلشان كده بتكون دايما همزة الوصل بين إخواتها صبيان وبنات .. وحتى بين أبوها وأمها .. فهى بتمثل جيل الوسط بينهم جميعا .. بس بيفضل دايما خيط جامد قوى بينها وبين أبوها وبتفضل فاكراه دايما .. وإن ابوها كان حبها الأول ومثلها الأعلى .. وإنه مهما طال الزمن عمرها ما حتلاقى حد يحبها ويحافظ عليها ويضحى علشانها زيه .. البنت الكبيره دى قيمه كبيره ونعمه غاليه ..دى عامله زى فاكهه الصيف العزيزه إللى بتيجى وبتخلص بسرعه .. ياريتكم تحافظوا عليها لأنها الوحيده إللى ممكن تحل محل أبوها وأمها بعد مايمشوا بلا عوده
ولسه عندى كلام
ليست هناك تعليقات:
إرسال تعليق