كتب الشاعر/وحيد أحمد إبراهيم..خلي الأنثى تفهمك..

اقعدى قدام المرايا
وانسي الدنيا وهمومها
استغلى الفرصه للغايه
ابحثى عن هواكى
فكرى فى الأنثى اللى جواكى
وصحيها من نومها
اكيد هتشتكى حالها
وتلومك ع اللى جرالها
هتشتكى من حرمانها
ومن كبريائك مظلومه
وانتى ليه معنداها
بطريقه مش مفهومه
قافله ليه باب القلب
عايشه ازاى من غير حب
وانتى عارفه الوحده ذنب
ضيعتى ليه إحلامها
اتخلقتى فى الدنيا نص
محتاجه نص يكملك
عيون قلبك عليه تبص
وهو فى قلبه بيرسمك
دقاته تقربلك بالهمس
وبأحساسه يكلمك
ليه تبعدى عن الورد
متخلى عبيره يلمسك
ليه غاويه تكونى فى البرد
متخلى الشمس تشمسك
خلى الحب فى حياتك فرض
يونسك جوه معبدك
قربى  من دقة حب
تخلى المشاعر تهزك
تكسر جواكى الجفا
تحس بقلب  يعزك
يكون وقايه من الالام
لو دنيتك حاولت تستفزك
اصلى للحب انغام
يحرك الدم فى وريدك
ينهى ايام الصيام
تلاقى فى وجوده عيدك
ليه ترفضى قلب حس
بيكى ويتمنى يسعدك
لو شايفه المسأله بالعكس
خلى الأنثى تفهمك
""""،"""،"،"""،"""""،
من ديوان (اسمعينى بدون كلام)