كتب الشاعر/محمد البريمي..أعملك إيه. ..

عايزنى أعملك إيه ..

عايزنى أعملك إيه تانى .. بعد ما أخلصت ف حبك ..

دا أنت تبقى كده أنانى .. و مستكتر عليا قربك  ..

ياما عليا سهر و فراق و دموع ..

و أنا باقيد  صوابعى العشرة شموع ..

و إنت عامل ناسى و مش فاكر .. و كل يوم تقولى باكر ..

و انده عليك زى الطير المهاجر .. معرفش إنك قاسى و غادر ..

ياما إديتك من قلبى .. ود و حب و حنيه ..

ياما ضحيت عشانك .. بروحى و قلبى و عنيا ..

كنت فاكر إن حبك ليا .. قد حبى و أكتر  ليك ..

كانت بتفوت أيام عليا .. و أنا سهران بفكر  فيك ..

بعد دا كله أعملك إيه .. عشان تحن و ترجعلى ..

هجرك ليا مسامح فيه .. فكر ف كلامى و قولى .. 

بقلم الشاعر .. محمد البريمى ..