شارع الغورية (( أوبريت ))
الراوي ........ ياشارع الغورية
ياشارع الأصالة
يانبع نور ومية
يامصنع الرجالة
ياشارع الغورية
كلك دهاليز ومسالك
ياشارع مية مية
بتلاتين تلاف زمالك
ياشارع الغورية
ياشاهد ع الزمان
وآثاره الإسلامية
منقوشة على الجدران
فيك الدنيا صاحية
وناس من كل ناحية
جاية ولا رايحة
كله هناك هيبان
هاخدكم وأطلع رحلة
في شارع الغورية
والرحلة معايا تحلى
بالذات في الحتة ديا
بياع تمر هندي ......... قرب قرب قرب
قايس مرة وجرب
عندي التمر الهندي
بالورد بيتشرب
زبون ...... إديني كوباية ياعمي
خليني أروق دمي
بياع التمر ..... إشرب بس ماتنساش
قبل ماتشرب سمي
الخضرية ........ إستني ياحاجة شوية
أنا هنا أحسن خضرية
خدي مني كرنباية
على حزمة ملوخية
أسلقي وياها فرخاية
والثوم لجل التقلية
خدي مني ياحاجة بسلة
كيلو واحد يملا الحلة
يلا وغدي العيلة
وإعزمي كل الشلة
بائع القماش ..... عندي ستان وحرير
وعندي كمان كشمير
وصوف م النوع الفاخر
أشكال وألوانه كتير
الزبونة ....... عايزة قماش ويكون ع الموضة
عايزة أعمله بناطيل برمودا
بائع القماش ..... من عيني ياشابة طلبك عندي
يادي النيلة ع الموضة السودا
عندي قماش بني وسكري
ولا تحتاري ولا تفكري
حتكوني أول واحدة بتلبس
البرمودا صوف العسكري
جاد الحلواني ...... أنا عمكو جاد شغلتي حلواني
بسبوسة وكنافة جلاش ورواني
وانا كومبارس بدور بواب
علشان مايطير يوم دخاني
بنت زبونة ..... بجنيه بسبوسة ياعمو
وعليها حتة قشطة
بالسمن البلدي ياعمو
عشان جوز أختي أنشطة
جاد الحلواني .... وأجيب بالباقي جلاش
أو خدي دكاني بلاش
هريدي الحانوتي ..... هريدي حانوتي وتاجر موت
رزقي بيجي لو حد يموت
كل الأصوات من حواليا
ندب ونبر بعلو الصوت
بكرة ياحاجة تشيلك إيدي
الحاجة ...... إن شاء الله أنت وأهلك ياهريدي
راجل سو علينا هوهو
هز في ديله وعض في إيدي
علي الطرابيشي ...... وأنا عم علي الطرابيشي
أنظف من جيبي مفيشي
علشان مابيشتري مني
إلا اللي عايش دراويشي
زبونة....... قوللي ياعم الطرابيشي قوللي
ممكن طربوش بمبي ب توللي
مطرز ع الجنبين بالترتر
الطرابيشي ...... ياحلاوة ياحلاوة ياحليلة ياحلوللي
أقول طرابيش وتقوللي بتوللي
روحي يابنتي الله لايسيئك
يكفيكي ربنا شر طريقك
طايقة إزاي نفسك ياصبية
في دقيقيتين مش قادر أطيقك
واحد تايه ..... عايز أروح درب الجماميز
إلهي ماتنضام يوم في عزيز
شباب الناصية ..... عيني ياحاج أنا هوصفهولك
ركز قوي في اللي هقولهولك
خش في مسلك
زاحم تسلك
تطلع منه تلاقي دهليز
في الدهليز هتلاقي دحديرة
في الدحديرة درب الجماميز
التائة ..... متشكر قوي قوي ع الوصفادي
يبقى هخش من الناحيادي
وأسأل أخش في أيها مسلك
ولا أختار بينهم حادي بادي
الغريب ..... مساء الفل
شباب الناصية .... مساك عسلية
الغريب ..... قوللي ياحلو
شباب الناصية ..... أأمر ياعينيا
الغريب ....... عايز أروح حي الباطنية
شباب الناصية ..... تمشي كدا على طول على طول
تلاقي هناك مستوقد فول
جنب المستوقد وسعاية
على بابها واحد مسطول
تلاغيه يلاغيك ياجميل بالسيم
يسأل كلمة سرك إيه
قوله المدعو غريب وغشيم
هيقول خش إقلع خد دش
خش ياعم وخد لك دش
خد لك دش بكامل لبسك
لاتلقى الجن الأحمر لبسك
ومتنساش بعد الحمّاية
ترجع هنا تحكيلنا حكاية
عن كتكوت سفروت وغشيم
صدق يوم وصفة حداية
الغريب ...... جرى إيه ياحليوة بقى انت وهو
ياللي ماعندكو أي مروة
شوف حلاق يحلق لك شعرك
قول للبوكسر خش لجوة
وانت ياحلو ياأذكى إخواتك
وفر يابني عليك وصفاتك
ياللي لسانك ماعتق حد
وقطر الجدعنة عدى وفاتك
نصيحة مني ياحلو عشانك
إعقل حبة ولم لسانك
هو اللي هيرميك في النار
حط كلامي حلق في ودانك
جارهم في الشباك ........ ياللي بتلعب كورة هناك
ياللي كسرتلنا الشباك
إياك تلعب هنا تاني مرة
وإلا أنا هنزل أقول لبباك
ولد في الشارع ....... معلش ياحاج دي بس الشوطة
مكتوب لها تكسر شباك
خش وكمل عصر الأوطة
ست الحاجة بتستناك
الراوي ........ أدي شارعنا وأدي حواريتا
ودي حكاوينا اللي بتحكينا
يرحم نجم وشيخنا إمام
عاشوا معانا ولينا وفينا
بس خلاص دي نهاية الرحلة
مش قولتلكو الرحلة بتحلى
لأني وليد أنا هذا الشارع
اللي العيشة فيه أحلى وأحلى
بقلم طارق السيد
الراوي ........ ياشارع الغورية
ياشارع الأصالة
يانبع نور ومية
يامصنع الرجالة
ياشارع الغورية
كلك دهاليز ومسالك
ياشارع مية مية
بتلاتين تلاف زمالك
ياشارع الغورية
ياشاهد ع الزمان
وآثاره الإسلامية
منقوشة على الجدران
فيك الدنيا صاحية
وناس من كل ناحية
جاية ولا رايحة
كله هناك هيبان
هاخدكم وأطلع رحلة
في شارع الغورية
والرحلة معايا تحلى
بالذات في الحتة ديا
بياع تمر هندي ......... قرب قرب قرب
قايس مرة وجرب
عندي التمر الهندي
بالورد بيتشرب
زبون ...... إديني كوباية ياعمي
خليني أروق دمي
بياع التمر ..... إشرب بس ماتنساش
قبل ماتشرب سمي
الخضرية ........ إستني ياحاجة شوية
أنا هنا أحسن خضرية
خدي مني كرنباية
على حزمة ملوخية
أسلقي وياها فرخاية
والثوم لجل التقلية
خدي مني ياحاجة بسلة
كيلو واحد يملا الحلة
يلا وغدي العيلة
وإعزمي كل الشلة
بائع القماش ..... عندي ستان وحرير
وعندي كمان كشمير
وصوف م النوع الفاخر
أشكال وألوانه كتير
الزبونة ....... عايزة قماش ويكون ع الموضة
عايزة أعمله بناطيل برمودا
بائع القماش ..... من عيني ياشابة طلبك عندي
يادي النيلة ع الموضة السودا
عندي قماش بني وسكري
ولا تحتاري ولا تفكري
حتكوني أول واحدة بتلبس
البرمودا صوف العسكري
جاد الحلواني ...... أنا عمكو جاد شغلتي حلواني
بسبوسة وكنافة جلاش ورواني
وانا كومبارس بدور بواب
علشان مايطير يوم دخاني
بنت زبونة ..... بجنيه بسبوسة ياعمو
وعليها حتة قشطة
بالسمن البلدي ياعمو
عشان جوز أختي أنشطة
جاد الحلواني .... وأجيب بالباقي جلاش
أو خدي دكاني بلاش
هريدي الحانوتي ..... هريدي حانوتي وتاجر موت
رزقي بيجي لو حد يموت
كل الأصوات من حواليا
ندب ونبر بعلو الصوت
بكرة ياحاجة تشيلك إيدي
الحاجة ...... إن شاء الله أنت وأهلك ياهريدي
راجل سو علينا هوهو
هز في ديله وعض في إيدي
علي الطرابيشي ...... وأنا عم علي الطرابيشي
أنظف من جيبي مفيشي
علشان مابيشتري مني
إلا اللي عايش دراويشي
زبونة....... قوللي ياعم الطرابيشي قوللي
ممكن طربوش بمبي ب توللي
مطرز ع الجنبين بالترتر
الطرابيشي ...... ياحلاوة ياحلاوة ياحليلة ياحلوللي
أقول طرابيش وتقوللي بتوللي
روحي يابنتي الله لايسيئك
يكفيكي ربنا شر طريقك
طايقة إزاي نفسك ياصبية
في دقيقيتين مش قادر أطيقك
واحد تايه ..... عايز أروح درب الجماميز
إلهي ماتنضام يوم في عزيز
شباب الناصية ..... عيني ياحاج أنا هوصفهولك
ركز قوي في اللي هقولهولك
خش في مسلك
زاحم تسلك
تطلع منه تلاقي دهليز
في الدهليز هتلاقي دحديرة
في الدحديرة درب الجماميز
التائة ..... متشكر قوي قوي ع الوصفادي
يبقى هخش من الناحيادي
وأسأل أخش في أيها مسلك
ولا أختار بينهم حادي بادي
الغريب ..... مساء الفل
شباب الناصية .... مساك عسلية
الغريب ..... قوللي ياحلو
شباب الناصية ..... أأمر ياعينيا
الغريب ....... عايز أروح حي الباطنية
شباب الناصية ..... تمشي كدا على طول على طول
تلاقي هناك مستوقد فول
جنب المستوقد وسعاية
على بابها واحد مسطول
تلاغيه يلاغيك ياجميل بالسيم
يسأل كلمة سرك إيه
قوله المدعو غريب وغشيم
هيقول خش إقلع خد دش
خش ياعم وخد لك دش
خد لك دش بكامل لبسك
لاتلقى الجن الأحمر لبسك
ومتنساش بعد الحمّاية
ترجع هنا تحكيلنا حكاية
عن كتكوت سفروت وغشيم
صدق يوم وصفة حداية
الغريب ...... جرى إيه ياحليوة بقى انت وهو
ياللي ماعندكو أي مروة
شوف حلاق يحلق لك شعرك
قول للبوكسر خش لجوة
وانت ياحلو ياأذكى إخواتك
وفر يابني عليك وصفاتك
ياللي لسانك ماعتق حد
وقطر الجدعنة عدى وفاتك
نصيحة مني ياحلو عشانك
إعقل حبة ولم لسانك
هو اللي هيرميك في النار
حط كلامي حلق في ودانك
جارهم في الشباك ........ ياللي بتلعب كورة هناك
ياللي كسرتلنا الشباك
إياك تلعب هنا تاني مرة
وإلا أنا هنزل أقول لبباك
ولد في الشارع ....... معلش ياحاج دي بس الشوطة
مكتوب لها تكسر شباك
خش وكمل عصر الأوطة
ست الحاجة بتستناك
الراوي ........ أدي شارعنا وأدي حواريتا
ودي حكاوينا اللي بتحكينا
يرحم نجم وشيخنا إمام
عاشوا معانا ولينا وفينا
بس خلاص دي نهاية الرحلة
مش قولتلكو الرحلة بتحلى
لأني وليد أنا هذا الشارع
اللي العيشة فيه أحلى وأحلى
بقلم طارق السيد
ليست هناك تعليقات:
إرسال تعليق