كتب الشاعر/حسام غنيم #أيام #

أيام عمالة تروح بينا لفوق للسما
وتنزل بينا فى ثوانى  لأرض مش لينا
ونمشي ورا حلم ليالينا
أمل ببكرة ترجع الفرحة لعنينا
لما تدوس الخطوة بأراضينا
وإيديك بإيديا قدام الدنيا
دا حب عمري قدام عنيا
وإيديه بإيديا ونظرة فرحة بين جفوننا
مرسومة بدمع الفرح نور قدامنا
وحوالينا ناس تانية
ياما صعبنا عليهم من كتر أحزاننا
وسؤال عن حبايبنا ليه غايبين عنا
وشكوى عن نار بينا
بحرقة قسوة أيامنا علينا
وناس مايهمهم غير بعد خطاوينا
عن حلم العمر إنه ييجى بكرة
وتترسم دنيا جديدة  بحب  هو قوتنا
بعشق روح سر وجودنا رغم قسوة أيامنا
حتى لما عاتبنا النفس فيهم
مشوا من قدامنا ورا نسيان لينا
وتنزل الخطوة ورا الخطوة حزينة علينا
دا الحب أجمل رغم عيوبنا
برابط الروح سر وجودنا
هى النفس ليها غيرحبايبنا
 ياما شكيتك لروحك بي
روح لوهم قدامك سحابة معدية
هتضلل عليك شوية
 وتمشي وتفضل بحرقة شمس قوية
إنك غبت عنى لو ثانية
بس ساعتها ياحب العمر بي
مش هاقدر أقسي بالدنيا ديا
وتروح روح عايشة فيك
تضلل عليك برمش عنيا
وتدعى ليك

بسعادة الدنيا
..........بقلمى حسام غنيم