كتب الشاعر/أشرف محمد..ود بود وصال بوصال..

ود بود وصال بوصال
والاحساس محتاج يتقال
لو هنعيش نستنى الكلمه
يضيع العمر فى الاوهام
الحب يعنى الاهتمام
ود بود وصال بوصال

كل كلام الحب اتقال
كل ليالى الشوق عشناها
واستنينا يجينا الرد
وكان الرد هجر وصد
وضياع عمر مع النسيان
ود بود وصال بوصال

ماهو لو هافضل
اقول وبنتسمع
يبقي غرامنا
عمره ما ينفع
واحسن ليك
والاحسن ليا
نفضها سيرة
عذاب ومرار
ود بود وصال بوصال

الشاعر اشرف محمد