كتب مهندس/عبد الحميد سالم #مسافر يا وطن #

( مسافر يا وطن ) م /عبالحميد سالم
مسافر جواك يا وطن
أبحث عن مجد لأحفادى
وعلى كتافى حمل تقيل
سبهولى من الماضى أجدادى
مجدهم مكنش فقط تماثيل 
واقفة على أبواب المدن حراس
دى إعجاز علمى من عمر نهر النيل
حضارة من الأزل بتبهر جموع الناس
ف الطب والكيميا والهندسة والفن
******
جينات جدودنا فينا متوارثة
من جيل لجيل بس يا خسارة
غاب الضمير وأخلاقنا بقت كارثة
وفسادنا غطى على أعظمها حضارة
وبقينا عالة و الشرق والغرب غفلونا
وكانوا ف الماضى يطاطوا لما بيجونا
 هما اتعلموا من جدودنا بحكمة ومهارة
واحنا افتكرنا بغباءنا إن الفهلوة شطارة
حلمى يا بلدى ف تعليم يبنى ويعلى
مش مجرد شهادات نزين بيها الحيط
تطوير حقيقى ويكون بداية الخيط
لعلم  يبنى حضارة قادرة تنافس الصين