كتبت أم الشعراء أ. /سامية سليمان &رافضاك &

رافضاك
---------
رافضاك أنا بكل المقاييس
رافضاك تكون لحياتي ونيس
رافضة اعرفك حتي لثانية
ماخلاص ما صيَّعت الأحاسيس

أنا رافضة غدرك وغرورك
لا تزورني ولا حتي أزورك
مادام عذابي صبح دورك
إنسي ان كان يوم بيننا حديث

قلبي ف هواك ياما اتألم
ولسه جرحك فيه معلم
وفاكرني ح ارجع وأسلم
جايلي تقول من غيري تعيس

ياما جريت تشرح ودك
ملكت قلبي وزاد صدك
فاكر مفيش أبدا قدك
أنا عمر قلبي مكانش رخيص

سامية سليمان
أم الشعراء