كتب الشاعر/حسن سعيد #حبيبي الشعبي#

حبيبي الشعبي
يعني الاسطورة
يعني حارة حوش آدم
يعني الرجولة
يعني الحرف العرقان
يعني الحرف الشقيان
يعني طبع الجدعان
كل حرف منك بيحكي عنا
تكتب يوم عن فرحنا
وكتير كتبت عن زعلنا
كتبت عن نبويه
والبت الشقيه
والغلاباويه
و أم لسان طويل
كتبت عن جوزها العويل
غيرت ناس....  بناس
صالحت ناس على ناس
كتبت عن الإحساس
وضربنا ناس بمداس
كتبت أنا معاك
كنت بتبع خُطاك
قلت أتعلم منك
و أكون سند وياك
لاقيت حروفك ماس
جبت أنا قلم و كراس
وللعلام أنت فتحت كلاس
مره هيا مره و أتقابلنا مره
كتبنا أنا وأنت كتير بروح حره
لكن كنا في كوكب وهما في مجره
لا كلام بينفع ولا بيعود بمسره
كل الحكايه حبيبي أشوفك سعيد
ويوم ميلادك ربنا يزيدك عمر جديد
تحقق كل أحلامك القريب والبعيد
وفي ولادك تفرح تحقق ما تريد
من أخوك أبوسكندر حسن سعيد