كتب الشاعر/حسن سعيد..طريق..

#طريق

طريق معتاد
محتاج زاد و زواد
سند وعتاد
و أصحاب وقت الجد
لو إحتجت منهم حد شداد
والحال كما المُعتاد
والدنيا مش محتاجه عناد
قرب من الناس وخلي غيرهم عنك بعاد
ولا تعاتب منهم حد خلي العتاب
 عند رب العباد
و إياك تنسى أن في الأصل
إللي أشترى و اللي باع أرضه عواد
عيش بقلبك الأبيض
 الدنيا مهياش دايمه
 ولا محتاجه قلب السواد
أفرح و أملى الدنيا افراح
أنسى المُر والأحزان
و أرمي عنك ثوب الحداد
خليك إبن النهارده
عيش وقتك لكن كمان
أصيل زي الأجداد

حسن سعيد إبراهيم
#أيكادولي