كتبت الشاعرة/نادية فؤاد $أنا فلاحة $

انا فلاحة

انا فلاحه مصريه بطين الأرض
احب العشرة واللمه  واصون العرض
و افخر باللى انا منهم واصلى الفرض
انا فلاحه ومن يومى
ألملم تعبى وهمومى
وادفنها ف قلب الارض
***********

انا فلاحه واتفاخر
واجيب الكلمه م الاخر
واقول للحزن يتأخر
يمشى بعيد بعيد عنى
انا نفسى كده اغنى
واقول انا مين احسن منى
   ***********
انا فلاحه ومين قدى
واكل اللقمه من كدى
ونهارى ييجى  ويعدى
ما استنى اللى يدينى
سلاحى ايمانى ويقينى
 والصحه نعمه من ربى
       بقلم / ناديه فؤاد مفتاح