كتب الشاعر /سمير فرج عبد القادر..ماتهدينيش.

ماتهدينيش
..............

"ماتهدينيش بيني وبينك ...لأ ... قولها أمام الملأ"
لو نفترق
احسن لنا
وبلاش نعذب بعضنا
وبلاش يكون العشق
أكبر مننا
يوم ما انخلق
احنا عشقنا بعضنا
من غير سبب
من غير قلق
ولقينا روحنا بنمتثل
لأوامره ونطير ف السما
وكأن كل الكون ده لينا لوحدنا
من غير مانسأل مره ليه؟
أو حتى مره نتسئل
دلوقتي فيه مليون سبب
"ماتهدينيش بيني وبينك ...لأ ... قولها أمام الملأ"
لو نفترق
احسن لنا
من غير قلق
العشق أكبر منك انت
وانت مش عارف كده
لكنّه مش قدى أنا
وانا ...
من غيرك انت
شموع حياتي مولّعه
من غير ما شمعه ...
تنطفي
أو حتى شمعه ...
تنحرق
..........................................
سمير فرج عبد القادر