موسيقه كلاسيك

الثلاثاء، 1 يناير 2019

كتب الشاعر/أحمد عامر..آه يا بويا..

............... اه يابـــــــــويا ...............
اه يابويا اه يابويا
ياللى وقت الشدايد كنت اخويا
كنت دايما تحت كتفك بتراعينى
واما كنت اغلط شويه بتنادينى
كنت تصرخ وبحنانك كنت ابويا
ياللى دمى اساسه دمك
شلت همى ماشلت همك
كنت تحضن او تطبطب
واما اغضب
كنت تضحك زى اخويا
اه يابويا
********
اه يابويا اه يابويا
كنت منك كنت سندى
واما ييجى وقت عندى
تبتسم تضحك تطبطب
اهدى جدا
والقى نفسى بحضن ابويا
اما لما رحلت عشت ف انعدام
كل شىء ف الدنيا باهت مش تمام
والحياه صبحت عديمة لهتمام
فيها زيف حبة اونطه
فيها كتره م الكلام
واللى حبك واللى صاحبك
بات وناسى فضل ابويا
واما فوقت شويه يابا
كان اخويا معدش اخويا
ااااه يابويا
***********
اه يابويا اه يابويا
لسه باسمع همس صوتك
لسه رافض يابا موتك
لسه عايش جوه جودك
واما اغيب عن بيتى حبه
ارجع اسأل
لسه برضه مجاش ابويا
لسه رافض انى ادمع
بس وجع القلب سمع
واما البس او المع
يسألونى ده منين
دوغرى اقول من لبس ابويا
اه يابويا اه يابويا
ياللى وقت الشدايد كنت اخويا
اه يابويا
................... احمدعامر .................
ننوة ان ماينشر حق ميجل بالهيئات المنوطه بذلك 52019/2019 س م ب
-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...