كتب الشاعر/نبيل الورداني..قلبي كبير. .

قلبى كبير ومالهوش مقاس
لكن حبه لكل الناس
لو فكرت ف مره تخبط
مش ح تلاقى عليه ترباس
قلبى بطبعه كمان مفتوح
ون فكرت ف مره تروح
روح على مهلك إوعى تدوس
قلبى بطبعه كمان بيعمر
مهما يعدى الوقت عليه
عمره مايجى ف يوم ويقصر
قلبى ف لحظه لقيته مشاع
لكن عمره ما يوم يتباع
مهما يحاوله شراءه الناس
قلبى دا قلب مالوهش مثيل
عمره م حاول مره يميل
ولا راح يضعف أو ينداس
قلبى دا إكسين لارچ
أصل مقاسه مالهوش مثيل
هو ف قلبى كأنه ف عرش
عندى كمان كلامى دليل.
   علشان إسمى بجد نبيل
    { نبيل الوردانى }