الشاعر..عادل عوف يكتب ..كشف الحقيقة..

كشف الحقيقة محتاج لعين واعيه
تعرف تميز بين الكدب وخلافه
كل اللي قالوا الصدق في السابق
ماعرفش ليه الوقت بيخافوا
وانا لسه شايف للحقيقه بيبان
يقدير يفوت الحق منها سليم
مافيش حقيقه صادقه بالمجان
وحق ضايع  إلا وصاحبه رچيم
ما تمد إيد  الحق خد نايب
كل اللي ظالموا إتمادوا لما سِكت
قالوا زمان السرقه في السايب
تشبه غريق  البنيو وانت غرقت
هتقولى صبعه وانت مش قادر
والظلم إيده فيها ميت كرباج
الموت فى شرع البحث عن حقك
سجين مؤبد..... وإتكتب إفراج
مين اللي قال لك ان السعاده تعيش
لا دفاع تقوم به ولا تبتدي بهجوم
لو بس عِشه وسقفها من خيش
ولا قصر عايق وفرشه كله هموم
في سجون براح أوسع من الخارج
لو ضاع حقوق الخلق بالمره
يسقط براح الظلم لو وارد
مادام جوه أوسع لي من بره
#عادل_عوف