الشاعر..يسري عثمان يكتب..لازم أقوله..

لازم اقوله
--------
ولما يجينى اقوله ايه
اقوله انى مشتاقه
ونار البعد حراقه
واتشاقى وامسح فيه
بواقى دمعه ف عنيه
واهيم حواليه
----------
ولما يجينى اقوله ايه
حاقوله انت جنه ونار
وحاجه حلوه طعم مرار
وافتش فى حبابى عنيه
واحط خدودى بين كفيه
وادوب فيه
------

واجيب حسابه فى النوته
ايام كان حبه فتفوته
وكنت اغضب ولا اسال فيه
------
وارجع تانى للنوته
الاقى حبه بيوجعنى واقول الاه
وهو حتى ماسامعنى وباستناه
-------
يطبطب حتى على خدى
يقول إهدى بقى ياختى
مافيش فايده
النار جوايا بمكايده
لاعارفه حتى اطفيها
واقول لنفسى بفى إهدى
وتغرق مهجنى فيها
وانا وحدى
-------
ولما يجينى انا اقوله
وجرحى ف قلبى يوصله
واقيد النار واوريه مرار
واللى حصل لى يحصل له

-----
ولما يجينى اقوله ايه
اقوله بلاش تغيب تانى
دابعدك قاسى اه يانى
وازعل منه واتنكد
عشان يعرف ويتأكد
إنه ف حبه بكانى
بعد ين اراضيه
------
ولما يجينى اقوله ايه
حاقوله انى مشتاقه
ونار البعد حراقه
واتشاقى وامسح فيه
بواقى دمعه ف عنيه
واهيم حواليه