الشاعرة/صفاء مصطفي الخواجة تكتب ( بكره إللي جاي)

"بكره إللي جاي"
تايهين ف بحر الحياة
والشط غيم وسراب..
يا بكره يا إللي جاي!
عايزين معاك أفراح
وبلاش ضياع وضباب
وف روضة الأحلام
أزرع سنابل خير
تطرح زهور وآمال
وتنور الأيام
    والدرب والأكوان
بضياء سرور وسلام
إمنع لصوت البوم
يوصلنا ويا غراب
أو حرب جايبة دمار
ونعيش بدون أحزان
رَجع لنا إللي غاب
بمحبة شايلة هناء
وكفانا نوح وعذاب
يا بكره يا إللي جاي
((بقلمي/صفاء الخواجة))