الشاعر/ناصر عيسي يكتب (النيل وشباب الجيل)

النيل و شباب الجيل  /  تأليف ناصر يوسف عيسى                       

 يا خالق الصبر صبر النيل علينا و قوله
 ما يبيعناش
ده نقطة الميه غاليه وليه احنا علي طول ما بنصنهاش
بنرش شوارعنا بيها ونرميها و نكدب و نقول عنها ما نستغناش
و غيرنا عنا نفسه يخفيهاو يعمل سد نهضة و ياخدها كمان ببلاش
و فلاح بيقضى ع الشط حاجته و مراته تغسل صحون و غسيل و ترمى فى سيادته
و مصانع شغالة بالنهار و الليل وتصرف النفايات قال اية في قلب بوابته
و الفنادق العائمة على الكورنيش و البواخر بتقلق بالضجيج راحته
و ثوار تكسر رصيفه و اشجاره طمسوا معالمه وبهدلوا قيافته
بصراحة عاوزين قوانين رادعة لناس من مصر بس من نيله مش راضعة
دايرين يخربوا فيها مبانيها  و في مدارسها و الجامعة
مبروك عليك يا مصر كتابة الدستور وخطوة للامام و يا رب مش راجعه