الشاعرة/سامية سليمان تكتب( يا دفة الأيام)

يادفة الإيام
-----------
يادفة الأيام
ليه تميِّلي بيّه
حرام عليكي حرام
إمشي بحنيَّة
طول عمري ماشية تمام
من غير مراكبيّة
ليه تعطشي الأحلام
و ف إيدك الميّه
وتشمتي اللوام
 يكفيني مافيّه

يادفة الأيام
أرجوكي تستهدي
تعبت م الأوهام
وغلبت من وجدي
يادفة ليه تميلي
إمشي علي قدي
ليه تطفي قناديلي
 خليني انول وعدي
ماترقِّي حبّة امال
وامشي بحنية

تعالي نرمي سلام
ع اللي ماهوش داري
شبك قلوبنا قوام
وفات هواه ساري
إديه ف ميّه زلال
وانا انكوي بناري
خليكي حلوة امال
وامشي بحنية
ياتعلميني العوم
وشوية بشوية

سامية سليمان
أم الشعراء