الشاعر..محمود صلاح يكتب..مفيش إنسان..

مفيش انسان
 بيجى مكان انسان
ومفيش روح بتتكرر
ومفيش حنان
بيساوى كل الحنان
ياقلب صافى
ومن عذابه بيتحرر
عشت زمان
 مع انسان كان
 شهد وسكر مكرر
يا جامع الريحان
كل القلوب بتتقدر
غيطانك لو تكون بستان
لا تبيع ولا تأجر
ياما الصبغة طلعت الوان
فوق وشوش
كانت زى ارض بتتشجر
ياما الروح مش
عايزه تسيب المكان
كأنها لقمه
جوه الحلق بتتحجر
يا قلب موجك
لو كتاب بيتسطر
كان عودك
ينكتب وينزرع
وينحصد ويتخير
كان يحب
وبايده  يقرر
امتى يبيع الحب
من غير حتى مايفكر
ولان مفيش انسان
بيجى مكان انسان
ف بلاش
تقدم مشاعرك
لناس
الحب عندها
زى هدمه
كل شويه بتتغير