الشاعر/محمود صلاح يكتب (فرش البيت)

فرش البيت
بيقولى ياريت
 تفضل معانا حتى شويه
بتغيب وتقول
جاى على طول
وتعدي شهور وانا مستنيه
فرش البيت
مش اوضه وسفرة
هى حاجات
 موجودة لبكره
فرش البيت
 روحى وروحك
ولمسة ايد
بتداوى جروحك
وحضن سرير بيقولك ذكرى
ليه بتغيب
 واموت وحديا
لو انت طبيب
 هعيش  للميه
فكر حبه
وبلاش اوجاع
هى المحبه 
لو جات هتساع
كل السنين بتمر قوام
ليه بنسيب الغرام ينباع
والفاتورة
ليها اصل وصورة
قايمه وعفش
وحاجات ماشفتش
زى حنين
بقاله سنين
وبروحى هويت
عمري دا كله
بحلوه ومره .
وزهرة حب
فى قلبى رويت
واحلى ايام معايا بديت
هما دوول  فرش البيت
فرش البيت
 مش اوضة وسفرة
هى حاجات موجودة لبكره
فرش البيت
روحى وروحك
ولمسة ايد بتداوى جروحك
وحضن سرير بيقولك ذكرى