قابل للنقد
قابل للتغيير
حياتى كحرف
( قد )
كأنى ف موضوع
تعبير
قد اكون انسان
بساعد الغير
قد اكون جبان
ونبضى قصير
قد تكون احلامى
اكثر بكثير
قد اكون ف يوم
قاضى او حتى وزير
قد اكون عال الهمه
عندى ف الشغل زمه
وحبة ضمير
الحياة بقت حروف
حرف يضمك
حرف يذلك
حرف غنى
وحرف فقير
والاحلام مش بالكلام
فوق لسان عاجز واسير
الاحلام عايزه امام
قائد لدنيا فاهم وبصير
وانا بقيت لون
فى ايد رسام
يتغير مع التغير
يوم مجامل
يوم منافق
ويوم ماليش
اى تأثير
صوتى جوه منى
زى الزئير
لو مره شرد عنى
يبقى مواطن
محتاج تكسير
ليست هناك تعليقات:
إرسال تعليق