الشاعر/أحمد سيد أحمد يكتب (قالوا)

قالوا بعد يومين تمام
فىه ضريبه ع الكلام
أسكتوا و ماتنطقوش
و احسبوا الكلمة بكام
فيه ضريبة و فيه رسوم
حتى لو هتقول سلام
طلع الأول جنية
و ادفعه بسرعة و قوام
فيه ضريبة لكل صوت
حتى لو كان فى المنام
إدفع القرشين تفوت
شوف معانا الإحترام
لو تطنش راح تموت
راح تعانى من الألام
قضى وقتك فى السكات
حط على بقك لجام
و انطق الكلمة بعنيك
أو بإيدك و السلام
(احمدسيداحمد)