الشاعر/محمود درويش يكتب (إعتذارك)

اعتذارك

*************
برغم اعتذارك وقسوة مرارك

بحبك وقلبي مليه الخوف

بحبك بأحساس العميان

ومن كتر شوقي بعترت الحروف

حاسك ولمسك وعايش ملامحك

بشوفك بدون أي شوف

أصارع في نفسي وألون ملامحي

وأجيلك بقلب تعبان ملهوف

دروبك عتمه مليها النواح

وأيديه ملت من بكى الدفوف

وكل مأ قرب تاخدني المتاهة

محرم عليه منك أطوف

وأصرخ بحبك ويضيع صراخي

وأتحدى ليلك واي ظروف

***********
عاشقك أكون لك فارس أكون حارس

شهيد على أسفلت الخريف

بكحل عينيه بطلت ملامحك

وتنهيدة تفجر كياني علي الرصيف

أشوف إبتسامتك لحظة بكايا تقطع حشايا

وأنا بجاهد علشان الرغيف

يسيل منى دمى يلون شفايفك

ويخضر عودك مسمعش منك الا حفيف

سهرانه تتعايقي ها كون جنى ها كون أنسى

أسابق حلمي بشوف طفيف

لو كنتي حيه ها كون عفريت

بمزمار يرقص عنادك فى ليلة صيف

تعاندي أكابر راقد على كتافك أزيح العتامة

يهل فجر بكره أبيض شفيف

ومش مهم أجي في بالك بيكفي أنى كنت

فى سماكٍ عصفور يرفرف أو حتى طيف

*********
م/ محمود درويش