الشاعر/علي عفيفي يكتب (سيبك ياقلبي)

سيبك يا قلبي
سيبك يا قلبي سيبك
من اللي باع هواك
الدمع مش هيفيدك
بلاش تتعبني معاك
افضلك يا قلبي إنك
تكتم جواك شكواك
أو حتى تموت بنارك
ولا إنه يشوف بكاك
--------------
وقلبي هيفيده ايه من ندمه
على حبه ليه من عدمه
انسى يا قلبي حلمك معاه
اللي حبيبك بإيده صدمه
إنسى الأمل اللي بنيناه
وبغدره ليك هدمه
إنساه يا قلبي إنسى
وداوي الجرح اللي كواك
-----------------
كانت ليا عيون سهرانة
هايمة بتوصف فيك فرحانة
عايش الدور وبفكر فيك
مخطرش على بالي خيانة
سلمتله حياتي وذاتي
وقابلهم بجراح وإهانة
بعد ده كله سابني وقالي
آسف أنا مش بهواك
------------------
سلمتله حياتي وعمري
وربطت أنا قدره بقدري
صافي يا قلبي النية سليمة
فاكره نصيبي وشمسي وقمري
كنت بداري في قلبي هواه
وعنيا بتفضح أمري
مين يتخيل دية نهاية
تخلصله يا قلبي وقلبه رماك
-------------------
سامحيني يا عيني
ويا  أشواقي وحنيني
ويا عمري وسنيني
اه يا جراحي سامحيني
معرفش يقدر حبي
مقدرش يصونك يا قلبي
سامحني الذنب ذنبي
ويا ريتهمن حبه إداك
-------------------
والغلطة غلطتي
دي مكانتش سكتي
مشيت فيها ونادم
على ناري وحرقتي
وأنا جوا قلبي كاتم
ونادم على يوم لقاك
وبقول ياريته قلبي
مات من قبل ما  يهواك
بقلمي #علي عفيفي