الشاعر/محمد البريمي يكتب (انا فاكرك)

أنا فاكرك ..
أنا فاكرك لسه .. مش ناسيكِ ..

لو تغيرى .. كل يوم أساميكِ ..

فاكر اول نظرة .. من عنيكِ ..

فاكر كل حاجة .. بتفكرنى بيكِ ..

يا نسمه البحر يامعديه .. أمانة  تهدى شويه ..

أنا مش حمل الريح .. قلبى ضعيف مش فيا ..

هو الغرام لعبة .. عشان تلعبى بيا  .

عمرها ما تكون محبة .. دى قسوة مش ملاغيه ..

لو غيرتى لون العيون .. و الشعر الأصفر و الرموش ..

مش هتنسينى ملامحك .. و مين عنك يحوش ..

لو عملتِ

ميت صفحة .. و لونتيها بالرتوش ..

مش هتوه عنك يا نسمة .. و اللى بينا ما نسيتوش .

بقلم الشاعر .. محمد البريمى ..