الشاعر/أحمد سليم يكتب (دعوة فرح )

دعوة فرح

النهارده ف يوم زفافك
النهارده
جيت وشايلة فى ايدى ورده
حاولت ارسم فرحتى
بس نزلت دمعة شارده

الدموع جريت فى عينى غصب عنى
اكمنك انت ياروحى حته منى
وسيبتنى واخترت غيرى بكل قسوه

حبيتك حب عمرى
وانت بعتنى
دعتنى ليوم زفافك
وكأنك ماعرفتنى
جيت وساعة ماشوفتك
دمعى قوام جرى
بس مسكت نفسى
ورجعت بسمتى

النهارده جايه ليك
جايه أهنى جايه ابارك
جايه اشوف فرحك بغيرى
جايه وبقلبى اشارك
قلبى اللى كان ملك ليك
وانت بعته وسبته هالك
دعوتك يمكن لفرحك
بس ليا كات لموت
انت تفرح بحد تانى
وانا قلبى يسكن تابوت
مش قادرة استنى واشوف
حبيبى جمب منها
هامشى واسيبك
واعتبرنى مت من النهارده

أحمد سليم