الشاعر/محمود صلاح يكتب (مكتوب جوه القلب )

مكتوب جوه  القلب
حبيب.     حبه صلب
يهوى بكل جوارحه
 لايرضى لحبه
نهب.      او سلب
يمتاز بفن الاتقان
وجدير بكل الالحان
استاذ يهوى الاوطان
وهواه  معصوم
من اى ذنب
ان رسم قلب ف كراس
او جاء بكلام وخلاص
او قال حب واحساس
يبقى
الشوق فى قلبه دب
-----------------
مكتوب ع قلب عجوز
هواه  ضعيف مهزوز
اخلاص لايصح
ولا يجوز
مليان غدر وبهتان
ان قال فالصدق ضعيف
وان مال محتاج توصيف
هواه كحر الصيف
يموت لو كان بردان
يدوب العشق بسيط
اخلاص محتاج تزبيط
وحنين كرسمة حيط
يضيع لو زاد حرمان
-----------------
مكتوب ع الشط النادى
فتاة عماله بدادى
لقلوب كتير عاشقنها
الكل واقف حيران
شط البحركمان سكران
والكل هنا عطشان
محتاجين كلمه منها
فتاة بعيون قتاله
قمر وحلوة وخياله
جمالها مش عايز قواله
دالقلب يتمنى يصونها
مشتاقه ورموش دبلانه
الكل بيقول اه يانا
و دلالها بيعزف الحانه
على قلوب عماله تغنيلها
-----------------