الشاعر/سامح عبد الرحمن أبو النوبي يكتب (يا عطار)

يا عطار ياللى بتبيع الصبر
شوف حسابى كام
صبرت كتير وتهت فى الارقام
صبرت شهور وسنين
لغاية ما تهت مبقيتش
        عارف انا مين
       سعيد ولا حزين
ولا هى كده على طول السنين
غربه وتغربنا شقا وشقينا
اجمل سنين العمر ضاعت
وحتى الحلو نسينا
هل كدا كافى الحساب
           يا عطار
ولا لسه فيه فيه غلب مستنينا
هو العيب في الزمن
ولا العيب فينا
قولى ياعطار هو الصبر
           خلص
ولا تعب من كتر ما صبر
             علينا 
      (سامح عبد الرحمن محمد أبو النوبى )