الشاعر/علي عفيفي يكتب (الجراءة)

الجراء

ة
معنديش الجرأة أكلمها أو حتى ألمح بكلام
ولو عديت أنا من قدامها مابقدرش أرمي السلام
كفاية عليا نظرة عينها بتخلي حياتي في أحلام
لو نظرة عيني بتقتلها نظرتها بتقتلني كمان
دي لما أنا باقعد أفكر فيها ماباحسش بمرور الأيام
معنديش الجرأة أكلمها أو حتى ألمح بكلام
ولو عديت أنا من قدامها مابقدرش أرمي السلام
------------------------------
قلبي ناره زاد لهيبها
مصير حياتي بقى في إيدها
لو هيرجع عمري تاني
قصة عمري راح أعيدها
مش هغير فيها حاجة
غير جراءتي راح أزيدها
علشان تحس بحبي ليها
ومعيش حياتي في حرمان
معنديش الجرأة أكلمها أو حتى ألمح بكلام
ولو عديت أنا من قدامها مبقدرش أرمي السلام
---------------------------------
زي ما حيرتي في قلبي زادت
شوقي ليها برضه زاد
نفسي أشكر من اللي فيا
نفسي أصرخ من العذاب
نفسي أقول ع اللي في قلبي
بس خايف من العناد
لو قرارها كان ضدي
كل أمالي هتبقى آلام
معنديش الجرأة أكلمها أو حتى ألمح بكلام
ولو عديت أنا من قدامها ماباقدرش أرمي السلام
بقلمي #علي عفيفي