الشاعرة أ/سامية سليمان تكتب (رفرف ياحمام)

رفرف يا حمام


 رفرف يا حمام البنية
 دا الرزق يحب الخفية
 رفرف يا حمام.. حلو صباحك
 و افرد ع الكون يالّلا جناحك
 و ارجع عشك سنك ضاحك
 لو رزق كتير .. و لاّ شوية

 و ما دام البال مرتاح خالي
 رفرف بجناحك في العالي
 رزقك حيقولّك تعالى لي
 و ان شا الله يزيد ..ميّه ميّه

 رفرف يا حمام و ارمي لي سلام
 يومك نادي ..و صبحك بسام
 و انا ح ادعيلك ترجع لي قوام
 و افضل بالشوق مستنية