الشاعر/صلاح سعد يكتب( يا أهل الودع)

يا اهل الودع #
---------------------
يا اهل الودع والورق
أجيب حبيبى منين
قالوا المحبة قدر
وأنا قلت قدرى فين
فتح الودع عراف
وخط فيه خطيين
شافت دموعى دمعته
بيسيل على الخديين
سبقت دموعى دمعته
والقلب ذادت دقته
وقال حبيبى فيين
هاجر سمنا وبرنا
غايب بقاله يوميين
دلوني يا هل الودع
أجيب دواءى منين
بعد غيايب الحبايب
وفرحت الليمين
كحل عيونا الالم
وراح سواد العين
مسك الودع عراف
وقال :
اسمع يا نن العين
دا المعرفه مش شطاره
ولا الهدف قرشين
دا كله بأمر الله
وحنا عبيد راضين
والكلمه مش كلمتى
ولاكلمة الغاليين
دا حكم المشيئه صدر
والكل فيه ماشيين
والصبر هوه الدواء
والمر دمع العيين
ادع فى يوم اللقا
يتجمعوا الحبيبين
===============
بقلم : -
* صلاحالدسوقى سعد *