الشاعر/محمود صلاح يكتب (قالولك عني)

قالولك عنى
كلام فاضى
 مشاعره مافيهاش
 ريحة الغموس
قالولك حبه غرام عادى
استاذ ف الضحك ع النفوس
قالولك حاجات بتوجعنى
زى جرح قديم
كان  ساعات بيلسعنى
وساعات بشوفه زى الكابوس
قالولك ولسه ياما هيقولوا
بس عمرهم ماهيقولك
 انك فى عينى
اجمل واحلى عروس
وانتى كمان ماتصدقيش
قوللهم عاجبنى
ومهما هيحصل
مش هيسبنى
هو روحى هو حاببنى
 هو عاشقنى هو فى عينى
اجمل واحلى طاووس
وحاولى تدارى
ع الناس شوية
ماتنشريش غرامك
كله  فوق الحبال
دالعين فلقت الحجر
واتهزت ليها جبال
وانتى اصلا طيبه
فى طبع الناس
 ما بتعرفيش
ناس دمعتهم قريبه
تقول بس مابتشتكيش
وناس حلوه غوريبه
بس قلبها مايساويش
قولى ليهم واحكلهم
 بس خليكى
من عقلك قريبه
وكأنك  ما بتقوليش