الشاعرة/دعاء أحمد تكتب (بهية)

(بهية)

مصر يا بهية
                شيفاكِ حلوة في عينيا
طب ماأنتِ أم الدنيا ديا
                    شيفاكِ عروسة بالألوان
نصها جناين وغيطان
                    والنص التاني
        تاريخ بيحكي نفسه من  زماان علي الجدران
مصر يابهية      شيفاكِ حلوة في عينيا 
لما أقول نيل وبحرين
       يبقي مراكب بشراعها وفيها صيادين
             وأحكي ياعمي علي الصيادين في مدن القنال
ياااه ده ليها حكاوي وقصص من زمان
  لما نقول القنال
           يبقي السويس والإسماعلية وبور سعيد
وأفضل أسمع منه تاني وأقوله عيد
                     حكاوي يشيب لها الولدان
ولكنها تعلمني وتعرفني زمان الشجعان
مصر يابهية    شيفاكِ حلوة في عينيا
وأضرب ياعمي علي المزمار أحلي موال
        وأنا جنبك متسلطن علي صوت الناي
أسمع حكاوي الصعيد
        تعلم فيك الرجولة وتخلي قلبك حديد
تعرفك أجدادك اللي هنا
           في أسوان وسوهاج ولأقصر وقنا
تقولك أنا التاريخ
       أفتخر بيا بس متنساش تصنع الصواريخ
أصنع المستقبل وبلاش كلام فاضي
         لازم يكون ليك حاضر زي ما ليك ماضي
مصر يابهية      شيفاكِ حلوة في عينيا
لحظه سكوت وأنا بتكلم عن سيناء
          لحظه عبور مكتوبة بأسامينا
لافي يوم هننسي ولا الزمان هينسينا
وهنفضل نقول سيناء رجعت كاملة لينا
هي دي كل آمانينا
حبيبتي هي الفرحة اللي في عينينا
ايوه سيناء يابهية
حتة منك يامصرية
وحياة الدمعة اللي في عينيا
بنحبك يامصر
           ياأم الدنيا ديا
مصر يا بهية      شيفاكِ حلوة في عينيا
بقلمي
دعاء_أحمد